IES Universidá Llaboral

FAI RECETES. Escolinos de Rosario

2006-01-18T19:08:00.000+01:00

La propuesta de clas yera inventar recetes de cocina o tornar dalguna, n’otra llingua. Equí vienen dellos exemplos. (Dalgunes de les semeyes tán sacaes del llibru de "La cocina asturiana" de La Voz de Asturias).

CABRITU CON SETES Y PATAQUES

Ingredientes:
· 2Kg. de cabritu.
· 1 diente d’ayu.
· 2 cebolles.
· 1 pimientu coloráu.
· 1 zanahoria.
· 100 gr. de setes.
· 1 fueyuca de lloréu.
· 1 plizcu de tomillu.
· 1 trozucu de guindilla.
· 1 cucharaduca de miel.
· 1 vasu de vinu blanco.
· Aceite d’oliva virxen.
· Sal.

Pasos pa facelo:
- Trocear el cabritu.
- Ponelu a macerar col agua, la cebolla, el lloréu, el tomillu, oréganu, pimientu, sal y el vinu
blanco.
- Esperar unes 7 hores.
- Dorar los cachos de cabritu nel aceite d’oliva,
- Reservar los cachos de cabritu.
- Nel aceite, facer un fondu cola otra cebolla, zanahoria y el pimientu coloráu.
- Dexámoslo cocer a fueu mediu, media hora.
- Echamos un vasu d’agua calentino, col miel disuelto, les setes y la guindilla.
- Echamos el sal
- Ponemos el cabritu nel otru platu y llistu pa comer.

Xabel Martínez - 2S03 – 10/11/2005

2006-01-18T18:56:00.000+01:00

CONEYU CON PATAQUINES

Ingredientes:
· Un coneyu de 1.500 gr.
· 2 cebolles.
· 1 pimientu roxu.
· 2 dientes d’ayu.
· 1 chorru coñá
· ½ kr. De pataquines pequeñes y redondes.
· Aceite d’oliva virxen
· Sal y arbeyos.

Preparación:
Partimos el coneyu y adobámoslu con sal y ayu. Llueu dexamos que repose media hora nel adobu, antes de pasalo per aceite caliente hasta que tolos trozos queden perdoraos.
Depués colocámoslo nuna tartera y cubrimos cola salsa que quedó de triturar la cebolla y el pimientu .Añadimos el chorru de coñá.

Pa finar, dexamos que guise a fueu lentu sobre una hora.
Acompáñalo coles pataques frites.

¡¡Mira la pinta!!

Hugo Sánchez – 2S03 – 10/11/2005

2006-01-18T18:45:00.000+01:00

BIZCOCHU D’AVELLANA

Ingredientes:

· 6 güevos
· 3 cucharais de farina
· 6 cucharais d’azucre
· 1 sobre de llevadurina
· 250 gr. d’avellana, tostao y molío

Cocinamos:
1. Pónense tolos ingredientes a mano.
2. Sepárense les clares de les yemes.
3. Bátense les yemes col azucre.
4. Pónense les clares a puntu de ñeve.
5. Mézclase too coles clares.
6. Úntase’l molde con mantequilla.
7. Viértese’l bizcuechu nel molde,
8. Métese al fornu.
9. Sácase del fornu y ponse a enfriar.
10. Adórnase un pouquinín.
Bon provechu.

Cristina Fernández - 2S03 – 10/11/2005

2006-01-18T18:22:00.000+01:00

PUDIN DE MAZANA

Ingredientes:

· 1 Kg. De mazanes
· 1kg. D’azucre
· ½ vasu de ñata líquido
· 8 güevos

Preparación:
Nun cazu mecemos azucre con agua y echamos les mazanes pelaes y troceaes.
Cuando tean cocíes agregamos güevos batíos y la ñata, mezclámoslo too bien y echamos la pasta nun molde caramelizáu que cocerá durante una hora al bañu maría. Enantes de desmontalo dexaremos qu’enfríe.
Pincha equí pa velu.

Sheila Canal – 2S03 – 10/11/2005

2006-01-12T19:45:00.000+01:00

TARTA CHOCOLATE

Ingredientes:

Galletes Río – cuadraes
250 gr. Mantequilla
3 güevos
3 cucharaes d’azucre
6 onces de chocolate
Lleche

Instrucciones:
Ponse’l chocolate nun cazu al bañu maría.
Nuna fonte ponse la mantequilla y l’azúcre, bátese con un tenedor fasta dexalo como una pomada.
Depués cásquense los güevos y mézclense cola mantequilla revolviendo hasta quedar too bien xunto, entós vase mezclando poco a poco’l chocolate y remuévese pa mecelo.
Nun platu ponse lleche y vanse remoyando les galletes y colocándoles nuna bandexa; cúbrese con una capa fina de chocolate y ponse enriba otra capa de galletes, asina les que se quieran. Métese nel frigoríficu pa enfriala y depués yá ta llista pa comer.

Alejandro Fdez – 2S03 – 10/11/05

2006-01-12T19:30:00.000+01:00

CUCURUCHOS DE FRUTES

Ingredientes pa 4 persones:

· Pa la pasta: . 60 gr. De mantequilla.
2 clares.
100 gr. d’azucre
60 gr. de farina
20 ml. de ron.

· Pa rellenar: 2 dl de natielles
200 gr. de frutos escarchaos picaos.

Ellaboración:

1. Precalentar el fornu. Fundir la mantega. Batir les clares col azucre hasta que queden esplumoses. Agregái la farina tamizada gradualmente. Incorporái la mantega y el ron y mezclalo bien.
2. Engrasar una placa del fornu con aceite o mantequilla. Disponer cucharaes de pasta y estendeles en forma discu. Fornealo hasta que la pasta tea dorao. Sacalo del fornu y retiralo con una espátula.
3. Enrollar la pasta, tovía caliente, en moldes con forma de cucuruchu. Rellénalos coles natielles y les frutes escarchaes.

Bárbara 2S03 – 10/11/2005 . SI QUIES VER EL RESULTÁU, PINCHA EQUÍ.

EL CORDOBEYU : Noticies imaxinaries

2006-01-12T19:20:00.000+01:00

LA FALTA LLUZ NEL CORRAL DE MIO GÜELA

L’Entiestu. Manuel Q., 1BHS
Estos díes d’atrás tuviemos sacando güevos de les pites nel corral de güela. D’esmenu marchó la lluz y nun mos quedó más remediu que salir a palpu del corral. A lo primero pensamos que yera cosa de mio güela pol cuentu d’aforrar, pero dempués decatámonos que’l problema yera otru. Llamóse al ellectricista y esti lo que vio foi un consumu d’enerxía desaxeráu nos contadores. Too esto llenómos d’intriga y entamamos a investigar. La sorpresa fo grande cuando viemos, una nueche, averáse a los enchufes, a una especie paxarón d’ales metáliques y cuerpu anegraláu; metía’l picu nos furacos, esperaba un poquiñín y salía esnalando. ¡Ablucante!
D’entós p’acá nun supimos más, pero toi seguru que per otros enchufes andará.

2006-01-12T19:14:00.000+01:00

¡LA TIERRA EN PELIGRU!

RUA. Sheila N. 2BHS
Según los últimos estudios realizaos, la contaminación del planeta ta llegando a una situación alarmante. Los investigadores creyen que nunos trenta años, el furacu de la capa d’ozonu sedrá tan grande que’l ser humanu nun podrá tar asitiáu na tierra. Poro tán cabruñando la posibilidá de construyir unes cúpules proteutores. Asina les ciudaes paecerán invernaderos xigantes y tresparentes, pero serán un sitiu seguru pa vivir.

2006-01-12T19:12:00.000+01:00

INVÉNTASE’L COCHE QUE FURRULA CON SIDRA

Nichilau. Daniel F., 2BCI
El “Sidrecar”, creáu pola marca china de coches Triquiguchi, funciona con sidra y nun dexa nengún residuu contaminante na atmósfera.
Prevése aumentar la producción de sidra cola fin de satisfaer estes espeutatives y poner en marcha la so fabricación.

2006-01-12T19:10:00.000+01:00

“EQUIELLÍ”
Xixón. GABRIEL B., 2BC1
Un alumnu de 2u de Bachiller, cansáu del tráficu y, poro, de llegar sero a clas, púnxose manes a la obra ya inventó’l “Equiellí”. Trátase d’una máquina revolucionaria que finará col agobiu de la xente, cuando tien que garrar el coche. Esti inventu consiste nun tubu, de fibra de carbonu, propulsáu con turbines especiales y que percuerre 100 Km nun segundu. Como ye tan llixeru, pue dir pel aire y nun topetar con nada nin con naide.
Un gran inventu d’un alumnu aventaxáu.

2006-01-12T19:07:00.000+01:00

L’ESPECIME

Asturies. JOSÉ MARÍA Ch., 1BCT
Alcontróse un home conxelao nuna cueva de los Picos d’Europa. Trátase d’un home mui ruin y feo como un l.lumiaco; ye pequeno, nun llevanta más d’un metro, enlleno de pelo pelas piernas y pelas manos.Ta tamién cubierto d’escamas pel pecho y pel l.lombo (debiera ser pa nalar meyor).
Los espertos falan d’un cruce d’home con mono y culiebra. El ser yá taba preparao de cacharros, d’armas aventadizas y d’unas setas especiales que valían pa prender l.lume.
La investigación sigue p’alantre.

2006-01-12T19:05:00.000+01:00

CREACIÓN D’UN NUEVU EQUIPU EN GIGIA
Gigia. RENÉ A., 2BS1
Un nuevu equipín de fútbol acaba fundase na ciudá de Gigia. Too entamó cola idea de Xacobín, un ciudadanu dispuestu a too. L’equipu en cuestión llamaráse “Rancatapinos del camín”. El nome nun sabemos de qué vien, pero polo menos ta n’asturianu.
El balompié va a cuntar agora con dos equipos rivales na mesma ciudá. Ello fadrá que’l turismu medre asgaya y baxe’l paru na Comunidá.
Xacobín y el so equipu de dirección tendrán qu’aportar un gran capital, yá que tovía nun tienen terrén de xuegu nin ciudá deportiva.
Dende equí, queremos unviar el nuestru apoyu más sinceru a los dos equipinos y que tean munchu tiempu ehí arriba. Tamién queremos espresar que’l deporte ameyora la salú y recomendamos que la xente lo faiga.

2006-01-12T19:02:00.000+01:00

¡XIBIES XIGANTES EN L.LUARCA!
Valdés. ALBA A., 1BS
El pasáu vienres, 18 d’avientu, apaecieron en L.luarca dos xibies escomanaes na playa. Midíen cinco metros de llargo caúna y pesaben más de cuatrocientos Kg. Teníen nel llombu un símbolu grabáu d’aspeutu metálicu. Al poco llegaron los especialistes y lo primero que dixeron foi: “¡ye un animal del diablu! , ¡déxenlu onde taba o morreremos toos!”. Namás oyer eso, la xente empezó a correr y a glayar..., les xibies entamaron a movese y coles sos antenes pegañoses garraben a la multitú como si de suriellos se tratare. Nesi momentu, el patrón d’un barcu pesqueru que taba cerca disparó-yos una especie de fleches que les atravesaron de llau a llau dexándoles paralizaes y muertes pa siempre.
Esti socesu enxamás se-yos escaecerá a los l.luarqueses.

2006-01-12T19:00:00.000+01:00

APAEZ EL GANADERU QUE SUFRIÓ ABDUCCIÓN ESTRATERRESTRE

Meñalperi. PAMELA P., 1BS
Esto asocedió una nueche que’l ganaderu taba aburríu y dio-y por dir a dar una vuelta, pel monte, col perru. Taba cruciando una ponte cuando va y ve una lluz mui rara. De sutaque’l perru entama a lladrar y diríxese p’hacia la lluz. L’home siguiólu y descubrió, ente la borrina, una figura desconcertante en metá’l camín. La figura facía-y señes pa que s’averare a él ya invitábalu a subir a una nave escomunal.
Nun se supo nada d’él, pero el martes pasáu, a orielles del ríu Rabión, unos pescadores alcontraron un paisanu con flores na tiesta y un mantu blancu y mariellu arrodiándo-y el cuerpu; al so llau, un perru con una cinuestra nel rau. Tratábase del ganaderu desapaecíu que güei nos contó so historia.

2006-01-12T18:55:00.000+01:00

TURISMU N’ASTURIES
Asturies. TAMARA G., 2BHS
El Principáu punxo en marcha fai varies selmanes delles propuestes pa fomentar el turismu n’Asturies. Pa ello decidió atrayer l’atención de la xente d’una forma orixinal, xunto cola promoción de animales autóctonos van a esponer animales del restu del mundiu.
Esti proyeutu llevaráse a cau pa dientro un mes y unu de los puntos d’aniciu sedrá Llanes y la so costa.
Esperamos que’l resultáu seya perbonu.

2006-01-12T18:52:00.000+01:00

MENOS MESES DE CLAS

Xixón. NIEVES D.,2BSI
L’añu que vien entrará en vigor la llei que diz que les clases entamarán en marzu y terminarán en xuliu, pa nun pasar fríu peles mañanes y pa que nun haya agobios escolares. L’horariu va a ser de cuatro hores al día, de llunes a xueves, el restu del tiempu emplegaráse n’actividaes lúdiques y culturales.Tanto alumnos como profesores tán mui contentos.

2006-01-12T18:48:00.000+01:00

EL FUEL DEL CARRU
Maries. LAURA M., 1BS
Güei en día tán les coses permal col petróleu. Ye asina, qu’un paisanu de Maries escribió un artículu au dicía que l’orín de los animales podía valir pa que los carros anden. Esti home, que respuende al nome de Xuacu Martín, unvió al so Ayuntamientu un documentu nel que proponía la investigación del so inventu, cola fin de poder suplantar la gasolina pel orín. La contestación foi que yá trabayaríen nel casu, pero toos sabemos que nin van pensalo nin siquier mirar la fueya que-yos mandó Xuacu.

2006-01-12T18:42:00.000+01:00

ÑEVADA EN BRANU

Xixón. OLGA N., 2BHS
Esti añu, esautamente n’agostu, cayó una gran nevada en Xixón, dalgo perraro si pensamos qu’en la nuesa ciudá nun ñeva nin iviernu.
La xente ta esmolecío porque ye una situación perdifícil d’imaxinar, pero los neños y los más mozos tan encantaos cola ñeve; van xugar a la playa y faen ellí muñequinos blancos, los pas van a esquiar a la Providencia y nes cais podemos ver mozos tirándose pelles.
Los meteorólogos son los que más esmolgaos tán pol fechu, yá que nun saben porqué pudo ñevar nestes feches. Dicen que pue ser pol calentamientu de la tierra que ta afeutando a tol mundiu con inundaciones, tormentes y huracanes.
Esperemos que too quede namás nun sustu.

2005-12-29T13:47:00.000+01:00

VUELTA A LA VIDA
Casu. DAVID A., 1BS
Antayeri ocurrió un asocedíu que nun esperaba naide. Esti tuvo llugar nel conceyu de Casu, nel Altu Nalón. Segun fontes anónimes, un casín que taba segando nel monte aseguró qu’Elvis Presley, el Rei del Rock and Roll, presentóse delantre d’él falando darréu n’asturianu. Según les mesmes fontes, Elvis contó-y al casín que diba a facer una xira, por tolo alto, en España, entamando per Asturies.
Tamién, al paecer, ayeri Elvis presentóse-y a un vieyín nel Condáu americanu de Colorado, nel Estáu de Texas. Polo que se ve, al home, fan acérrime d’Elvis, sufrió un infartu al oyer al so ídolu falándo-y de la so xira y en mexicano.
Esti socesu yá te noticia a nivel mundial y ta la xente plasmao. La so actuación va a ser un acontecimientu estraordinariu. Dempués de más de cuarenta años, ¡Elvis vuelve a la vida!

2005-12-29T13:44:00.000+01:00

GOMA DE MAZCAR REVOLUCIONARIO

Uviéu. NATALIA F., IBS
Rúxese qu’esti chicle ye un gran descubrimientu porque cuando lu metes na boca, camúdate de color y entós ameyora’l colesterol y equilíbrate’l zúcare. L’investigador uvieín, Miguel Anxel Portiella, tuvo trabayando nél y vio que’l chicle tornábase de color negro cuando yera p’ameyorar el colesterol y de color roxo pa llograr equilibrar el zúcare.
Tamos ante un gran avance nel tarrén científicu.

2005-12-29T13:40:00.000+01:00

¡POR FIN!

Madrid.GABRIEL F. 1BS
Por fin, dempués de munchos años, esta ye la meyor noticia que puen tener los estudiantes del Bachiller Social. Pal cursu que vien van desaniciase pa siempre les Matemátiques del Bachilleratu Social. Agora pasará a ser una asignatura opcional.
Esto ye dalgo perbono porque asina caún va tener la posibilidá d’agarrar esta materia pol so propiu interés y nun tener que dala a la fuercia.

2005-12-29T13:32:00.000+01:00

PROCLAMACIÓN DE LA I REPÚBLICA INDEPENDIENTE DE TOLIVIA

Tolivia. ADRIÁN A., 1BHS
Güei fo proclamada la I República independiente toliviana. El Parlamentu y el Senáu aprobaron por una mayoría abultada la nueva forma de gobiernu, ratificando la voluntá popular de sofitar nes eleiciones xenerales a los partíos republicanos. L’únicu partíu que tuvo a la escontra foi’l Conceyu Protestón Altu Nalón (CPAN), pero los sos pocos escaños ficieron que-yos valiere namás que pa retoldicar.
Ta confirmao que’l grupu musical más conocíu d’esta república, “Los Berrones” dean un conciertu pa celebrar acontecimientu talu. Tamién tán invitaos “Dixebra”, “Felpeyu”, “Skontra”...
El presidente de la República Toliviana ye Don Ramón, cabezaleru tamién de la banda berronil.
Tamién ta programada l’asistencia al actu de delles figures politiques, lliteraries y artístiques, yá que nesta República los sos ideales son: Paz, Xusticia, Educación, Llibertá y Folixa.
Esperemos que la República salga p’alantre y que’l so Presidente seya bonu col so pueblu.

2005-12-29T13:29:00.000+01:00

¡ESTRATERRESTRES NES CUEVES!

Cueva la Foxeca. ADRIÁN L., IBS
L’otru día diba una home col so perru caminando pela viesca. De sópitu el perru desapaez. L’amu oyíalu lladrar a lo lloñe. Empobínase pal sitiu y ve que se mete nuna cueva. Síguelu y alcuentra al perru xunto a dos seres rarísimos ya inertes nel suelu. Avisa a la policía y esta arrodia’l tarrén y nun dexa pasar a naide.
Tou un misteriu. Nun se sabe nada del asuntu.

¡LLEÉI ESTI LLIBRU QUE VOS VA PRESTAR!

2005-12-28T13:49:00.000+01:00

Premiu Trabe

La tierra entero. Berta Piñán.

Trabe. Uviéu, 1996

Nél, la sensibilidá y el bon facer de l'autora vense reflexaos darréu.

Un estraordinariu llibru de cuentos que yá ta traducíu al castellán.

¡VACACIONES!

2005-12-28T12:38:00.000+01:00

¡Tamos de folgueta hasta'l día 9 de xineru!

Pasáilo a lo grande y que la maxa bona de xanes, xaninos, nuberos y ventolinos vos arrodie a lo llargo del añu 2006 y vos dea salú, amor, folixa y bienestar.

2005-12-28T10:18:00.000+01:00

Esti ye'l nuesu centru.

PRIMER MENSAXE

2005-11-21T19:42:00.000+01:00

¡Bienveníos al blog del IES Universidá Llaboral!